Etitiileest suáiti 112
Etitiileest suáiti 112
Kuás mun vááldám ohtâvuođâ?
Vääldi ohtâvuođâ, ko
Tun smietah vyelgiđ kocemân
Suáiti 116117 ovdil ko tun ucâluuh kocemân. Jieijâd tiervâsvuođâsajattuv ávusorroomaigij tuu vuosâsajasâš tipšomsaje lii tuu jieijâd tiervâsvuođâsajattâh.
Tun tarbâšah tipšomravvuid já ravvim
Mij adelep tunjin tipšomravvuid já ravvim huápulijn tiervâsvuođâčuolmâin, ko tuu jieijâd tiervâsvuođâsajattâh lii kiddâ
Ele vääldi ohtâvuođâ, ko
Tuu äšši ij lah huápulâš
Talle ko äšši ij lah huápulâš, tun uážuh iše jieijâd tiervâsvuođâsajattuvâst teikâ ton poliklinikist, mii tipšo tuu. Ääših, moh iä lah huápuliih, láá eres lasseen tiervâsvuođâčuolmah, moh iä vaađâ huápulii tipšom, laboratoriovástádâsâi koijâdem, reseptij uđâdem já kuhesáigásiih tiervâsvuođâčuolmah, moh iä lah viäránâm.
Tuu äšši kuáská omâhâštiäđustâlmân
Tain pyeccein, kiäh láá tipšoost, puáhtá tiäđustâllâđ njuolgist tipšomohtâduv omâhâštiäđustâllâmnumerist
Tun jieh uážu ohtâvuođâ tiervâsvuođâhuolâttâs eres toimâsajan
Jis tuu tile ij vaađâ huápulii tipšom teikâ árvuštâllâm, ama vuárdáh ráávhust maassâdsuáitu teikâ toimâsaje lekkâm.
Tuu äšši kuáská puoccâmluámutuođâštâsân
Kocceemiše ij vääldi pele puoccâmluámutuođâštâssáid. Taan palvâlus peht iä čääli puoccâmluámutuođâštâsâid.
Tun lah jo uážžum tiervâsvuođâhuolâttâs áámmátulmust ravvuu ucâluđ kocemân
Jis tust lii kocceemvuolgâttâspäävir teikâ tun lah uážžum tiervâsvuođâhuolâttâs eres áámmátulmust ravvuu ucâluđ kocemân, tun puávtáh ucâluđ njuolgist kocemân.