Peividum 20.1.2025

Kosáttâhiše 116117.fi Kevttimiävtuh

Luuvâ täid kevttimiävtuid huolâlávt, ovdil ko sirduuh kevttiđ 116117.fi-palvâlus (maŋeláá meid Palvâlus). Taah iävtuh oovtâst tiätusuáján kyeskee sopâmuššáin hämmejeh sopâmuš, mii šadda kevttee já Palvâlusfällee (DigiFinland Oy) kooskân. Palvâlus kevttim váátá kevttimiävtui tuhhiittem. Kevttimiävtuh láá vyeimist tuáistáážân, taid puáhtá nubástuttiđ, já nubástusâi maŋa tábáhtuvvee Palvâlus kevttim kiäččoo ton merkkân, et iävtuh láá tuhhiittum. Jis tun jieh tuhhit täid iävtuid, te tun koolgah joskâđ Palvâlus kevttim já vyelgiđ meddâl siijđoin.

116117.fi-palvâlus ovdedeijee já paijeentuállee lii DigiFinland Oy (Palvâlusfällee). Ovdâsvástádâslâžžân palvâluspyevtitteijen já valmâšteijen tuáimá DigiFinland Oy, Siltasaarenkatu 8-10, 00530 Helsinki (www.digifinland.fiSijđo liäkkoo uđđâ koskâloostân). 116117.fi-palvâlus kevtteeorganisaatioh láá kuávluliih sotipalvâlus uárnejeijeeh, tego pyecceetipšompirrâduvah já kieldah, moh fäälih ässeidis palvâlus.

Kuávluh, main 116117.fi kiävtust, (digifinland.fi)Sijđo liäkkoo uđđâ koskâloostân

Kevttim iävtuh

Kevttest lii vuoigâdvuotâ kevttiđ 116117.fi ton kevttimulme várás kevttimravvui miäldásávt. Kevttimiävtui vuástásâš kevttim lii kieldum.

Palvâlus lii kevttei mávsuttem.

Palvâlusfällest lii kuás peri vuoigâdvuotâ koskâldittiđ tâi lopâttiđ kevttee 116117.fi kevttim, jis kevttee rikko täid kevttimiävtuid.

Siijđoid kevttimáin kevttee čoonnâs nuávdittiđ tääbbin oovdânpuohtum kevttimiävtuid.

Palvâlusfällee vuoigâdvuođah já kenigâsvuođah

Palvâlusfällee oovded 116117.fi ovttuu. Kiävtust leijee palvâlusâi valjiittâs já siskáldâs pyehtih ton keežild muttuđ.

Palvâlusfällest lii vuoigâdvuotâ kuás peri munealmottâsttáá já mon peri suujâ keežild nubástuttiđ siijđoi kevttimiävtuid, olgohäämi, siskáldâs, finnimvuođâ, siijđoin toimâttum palvâlusâid tâi siijđoi eres jiešvuođâid teikkâ joskâđ palvâlus sehe sirdeđ tom kuálmád uásipiälán.

Palvâlusfällest lii vuoigâdvuotâ koskâlduttiđ palvâlus faallâm huolâttâs- já peividemtooimâi ááigán. Máhđulijn koskâldittemtilálâšvuođâin 116117 palvâl tain pyereestvaijeemkuávluin, main palvâlus lii kiävtust.

Palvâlusfällee ij västid njuolgâ ige epinjuolgâ vahâgijn, moh šaddeh täi siijđoi tâi šleđgâhámásij palvâlusâi kevttimist tâi kevttim estuumist tâi tooid lohtâseijee vahâgijn. Palvâlusfällee ij västid nube suáppeepele mon peri suujâ keežild tábáhtum tiäđui tâi tiätuvuárhái tuššâmist, lappuumist tâi muttuumist já tast šoddâm vahâgijn já koloin tego tiätuvuárhái uđđâsist rähtimist šoddâm koloin.

Kevttee kenigâsvuotâ

Kevttee västid, et tiäđuh, maid sun addel siijđoi peht, láá riehtâ já láá puáttám merikiäčán. Kevttee täähid já västid tast, et ij vuolgât taid sijđoid maiden laavâvuástásijd tâi epiášálijd amnâstuvâid. Kevttee kalga puoh kuáhtulij vuovijguin visásmuđ tast, et vuolgâttum amnâstâh ij siskeeld virusijd tâi lah mottoom nube náál vaahâglâš.

Immaterialvuoigâdvuođah

Omâstem já puoh immaterialvuoigâdvuođah Palvâlusân já Palvâlusâst almostittum tekstâ-, kove- já eres amnâstâhân kuleh Palvâlusfällei tâi ton oovtâstpargokuoimijd fáárun luhâmáin vuoigâdvuođah olášuttiđ nubástusâid já luovâttiđ vuoigâdvuođâid ovdâskulij.

Puoh vuoigâdvuođah sijđoid já toi siskáldâsân tolliittuvvojeh. Siijđoi siskáldâs tâi olgohäämi almostittem, kopijistem, sirdem tâi muttem vuoigâdvuođâ omâsteijee lovettáá lii kieldum, eereeb siäiludem tiätumašinist tâi printtim persovnlii kiävtun tâi pyecceestivrim várás.

Kevttee uážžu siteerađ siijđoi tekstâamnâstuvâid já liŋkkađ sijđoid rijjâ, mut amnâstuv luođiidijn kalga ain mainâšiđ käldee toin vuovvijn já vijđoduvâst, maid tahheevuoigâdvuotâlaahâ (404/1961) váátá. Amnâstuv eres kevttimist kalga sooppâđ sierâ Palvâlusfällein (ohtâvuotâtiäđuh paijeen).

Niästádâsâi kevttim

116117.fi-palvâlusâst kiävttojeh niästádâsah. Niästádâsah visásmitteh, et palvâlus tuáimá torvolávt já olmânáál. Palvâlus kevttim várás kevttee ferttee tuhhiittiđ ucemustáá velttimettumis niästádâsâid.

Niästádâsah šlajâttâllojeh siijđoi toimâm tááhust velttimettumis kevttimpuddâkuáhtásijd niästádâssáid já eres niästádâssáid. Siijđoin iä kevttuu markkânistemniästádâsah.

Velttimettumis niästádâsah visásmitteh, et 116117.fi-siijđoh tuáimih olmânáál. Niästádâsah meddâlistojeh vuáháduvâst, ko laađân tappoo.

Eres niästádâsâiguin Palvâlusfällee norá siijđoi kevttein kevtteestatistikijd, moi tiäđuid ij pyevti ovtâstittiđ ovtâskâs kevttei. Kevtteestatistikeh išedeh Palvâlusfällee sehe sosial- já tiervâsvuotâhuolâttâs organisaatioid ovdediđ palvâlusâidis ovttuu pyerebin.

Ko kevttee kiävttá 116117.fi-palvâlus anonymin, te sust iä vyerkkejuu tiäđuh, main suu puáhtá njuolgist tâi epinjuolgist tubdâđ. Uápásmuu meid 116117.fi tiätusyejičielgiittâsân já niästádâspolitikân.

Kuálmád uásipele pyevtittem tiätu

Palvâlusfällee ij västid kuálmád uásipele pyevtittem tâi almostittem materialist. Palvâlusâst láá liiŋkah kuálmádij uásipeelij viermisijđoid. Palvâlusfällee ij västid kuálmádij uásipeelij materialijn toi siijđoin ige siijđoin, moid piäsá sirduđ Palvâlusfällee siijđoin.

Tiätusyejivuáválâšvuođah sehe kuálmádij uásipeelij kevttimiävtuh

116117.fi -palvâlus puáhtá kevttiđ anonymlávt.

Palvâlus kiävttá Matomo-tyejipiergâs anonym klikkianalytik nurâmân, jis kevttee lii adelâm mietâmuš täi tiäđui nurâmân tuhhitmáin palvâlus eres niästádâsâid. Ovtâskâs kevttee ij pyevti tubdâđ Matomo- tyejipiergâs tiäđuin. Tiäđuh kiävttojeh iššeen 116117.fi-palvâlus oovdedmist.

Kuálmádij uásipeelij palvâlussáid heiviittuvvojeh toi jieijâs tiätusyejivuáválâšvuođah já kevttimiävtuh, já DigiFinland ij västid tast, maid tiäđuid já maht taah tuáimeeh noreh tâi kieđâvušeh, fáárun luhâmáin niästádâsâid já eres čuávvumteknikijd sehe liiŋkâid. Kevttee kalga uápásmuđ toi palvâlusâi jieijâs kevttimiävttoid já persovntiäđui kieđâvuššâm vuáválâšvuođáid, ko sirdoo kevttiđ taid palvâlusâid.

116117.fi-palvâlus persovntiäđui kieđâvuššâm lii kovvejum já persovntiäturegistertuálleeh láá miäruštâllum 116117.fi-palvâlus tiätusyejičielgiittâsâst: Tiätusyejičielgiittâs.

Heiviittum laahâ já riijdoi čuávdim

Taid iävttoid sehe máhđulijd 116117.fi-siijđoin tâi toi siskáldâsâst šaddee vižžijd heiviittuvvoo Suomâ laahâ. Máhđuliih riijdoh kieđâvuššojeh Helsig keerrivrievtist.