Beaiváduvvon 20.1.2025

Gozihanveahkki 116117.fi Geavahaneavttut

Loga dáid geavahaneavttuid fuolalaččat ovdal go sirdásat geavahit 116117.fi -bálvalusa (maŋŋelabbos maid Bálvalus). Dát eavttut oktan diehtosuodjái guoski soahpamušain hábmejit geavaheaddji ja Bálvalusfálli (DigiFinland Oy) gaskkas soahpamuša. Bálvalusa geavaheapmi eaktuda geavahaneavttuid dohkkeheami. Geavahaneavttut leat fámus doaisttážii, daid sáhttá rievdadit ja nuppástusaid maŋŋel Bálvalusa geavaheapmi gávnnahuvvo eavttuid dohkkeheapmin. Jus it dohkket dáid eavttuid, don galggat heaitit geavaheames Bálvalusa ja mannat eret siiddus

116117.fi -bálvalusa ovddida ja bajásdoallá DigiFinland Oy (Bálvalusfálli). Vásttolaš bálvalusbuvttadeaddjin ja ráhkadeaddjin doaibmá DigiFinland Oy, Siltasaarenkatu 8-10, 00530 Helsinki (www.digifinland.fiSiidu rahppojuvvo ođđa siidui). 116117.fi-bálvalusa geavaheaddjiorganisašuvnnat leat guvllolaš sode- bálvalusa lágideaddjit, dego buohccedikšunbiret ja gielddat, mat fállet ássiidasaset bálvalusa.

Guovllut, gos 116117.fi geavahusas, (digifinland.fi)Siidu rahppojuvvo ođđa siidui

Geavaheami eavttut

Geavaheaddjis lea riekti geavahit 116117.fi dan geavahanulbmila várás geavahaneavttuid mielde. Geavahaneavttuid vuostásaš geavaheapmi lea gildojuvvon.

Bálvalus lea geavaheaddjiide nuvttá.

Bálvalusfállis lea goas beare riekti gaskkalduhttit dahje heaittihit geavaheaddji 116117.fi geavahusa, jus geavaheaddji rihkku dáid geavahaneavttuid.

Siidduid geavahemiin geavaheaddji čatnasa čuovvut dás ovdanbuktojuvvon geavahaneavttuid.

Bálvalusfálli rievttit ja geatnegasvuođat

Bálvalusfálli ovddida 116117.fi oppa áigge. Geavahuvvon bálvalusaid fállu ja sisdoalut sáhttet dán dihtii rievdat.

Bálvalusfállis lea riekti goas beare almmá ovdaalmmuhusa haga ja man beare siva dihtii rievdadit siidduid geavahaneavttuid, olgguldas hámi, sisdoalu, juvssahahttivuođa, siidduid bálvalusaid dahje siidduid eará iešvuođaid dahje heaittihit bálvalusa ja sirdit dan goalmmát oassebeallái.

Bálvalusfállis lea riekti gaskkalduhttit bálvalusa fállama fuolahus- ja beaivádandoaibmabijuid boddii. Vejolaš gaskkalduhttindiliin telefonnummir 116117 bálvala dain buresveadjinguovlluin, gos bálvalus lea geavahusas.

Bálvalusfálli ii vástit eahpenjulges iige njulges vahágiin, mat šaddet dáid siidduid dahje elektrovnnalaš bálvalusaid geavahusas dahje geavaheami eastašuvvamis dahje dáidda laktáseaddji vahágiin. Bálvalusfálli ii vástit nuppi soahpamušoassebeali man beare siva dihtii dáhpáhuvvan dieđuid dahje fiillaid duššamis, jávkamis dahje rievdamis ja dás šaddan vahágiin ja goluin dego fiillaid ođđasit duddjoma dagahan goluin.

Geavaheaddji ovddasvástádus

Geavaheaddji vástida siidduid bokte addin dieđuid riektatvuođas ja das, ahte dat jovdet. Geavaheaddji dáhkida ja vástida das, ahte dat ii sáddet dáid siidduide maidige, mii lea lága vuostá dahje eahpeáššálaš materiála. Geavaheaddji ferte buot govttolaš vugiiguin sihkarmuvvat das, ahte sáddejuvvon materiála ii sisttisdoala virusiid dahje leat eará láhkai vahátlaš.

Immateriálarievttit

Oamasteapmi ja immateriálarievttit Bálvalussii teaksta-, govva- ja eará materiálii, mat almmustahttojuvvojit Bálvalusas, gullet Bálvalusfállái dahje dán ovttasbargoguimmiide. Dása gullá maid riekti dahkat nuppástusaid ja addit rivttiid ovddosguvlui.

Buot rievttit siidduide ja daid sisdollui doalahuvvojit. Siidduid sisdoalu dahje olgguldas hámi almmustahttin, kopieren, sirdin dahje rievdadeapmi almmá rivttiid oamasteaddji lobi haga lea gildon, vuhtiiválddekeahttá seailluheami dihtoris dahje prentema persovnnalaš geavahusa dahje pasieantabagadallama várás.

Geavaheaddji oažžu siteret siidduid teakstamateriála ja liŋket siidduide friija, muhto materiála siteredettiin gáldu ferte namuhit dahkkivuoigatvuođalága (404/1961) eaktudan vugiin ja viidodagas. Eará materiálas ferte soahpat sierra Bálvalusfálliin (oktavuođadieđut bajábealde).

Diehtočoahkuid geavaheapmi

116117.fi -bálvalusas geavahuvvojit diehtočoahkut. Diehtočoahkuiguin sihkkarastojuvvo, ahte bálvalus doaibmá dorvvolaččat ja riekta. Vai bálvalusa sáhttá geavahit, geavaheaddji ferte dohkkehit unnimustá vealtameahttun diehtočoahkuid.

Diehtočoahkut juhkkojuvvojit siidduid doaibmama dáfus vealtameahttun iešguđetge neahttaoktavuođa diehtočoahkuide ja eará diehtočoahkuide. Siidduin eai geavahuvvo márkanfievrridandiehtočoahkut.

Vealtameahttun diehtočoahkut sihkkarastet, ahte 116117.fi-siidu doaibmá riekta. Diehtočoahkut vulget eret vuogádagas, go neahttalogan giddejuvvo.

Eará diehtočoahkuid bokte Bálvalusfálli čohkke siidduid geavaheaddjiin galledeaddjistatistihkaid, maid dieđuid ii sáhte ovttastahttit ovttaskas geavaheaddjái. Geavaheaddjistatistihkat veahkehit Bálvalusfálli ja sosiála- ja dearvvašvuođafuolahusa organisašuvnnaid ovddidit bálvalusaid ain buorebun.

Geavahettiinis 116117.fi-bálvalusa anonyman, geavaheaddjis eai vurkejuvvo dieđut, main su sáhttá njuolga dahje eahpenjuolga dovdát.

Oahpásmuva maiddái 116117.fi diehtosuodječilgehussii ja diehtosuodjepolitihkkii.

Goalmmát oassebeali buvttadan diehtu

Bálvalusfálli ii vástit goalmmát oassebeali buvttadan dahje almmustahttin materiálas. Bálvalusas leat liŋkkat goalmmát oasebeliid neahttasiidduide. Bálvalusfálli ii vástit goalmmát oassebeliid materiálain daid siidduin iige siidduin, maidda sirdása Bálvalusfálli siidduin.

Diehtosuodjegeavadat ja goalmmát oassebeliid geavahaneavttut

116117.fi-bálvalusa sáhttá geavahit anonyman.

Bálvalusas geavahuvvo Matomo-bargoreaidu anonyma deaddilananalytihka čohkkema várás, jus geavaheaddji lea miehtan dáid dieđuid čohkkemii dohkkehemiin bálvalusa eará diehtočoahkuid. Ovttaskas geavaheaddji ii sáhte dovdát Matomo-bargoreaiddu dieđuin. Dieđut ávkkástallojuvvojit 116117.fi-bálvalusa ovddideames.

Goalmmát oassebeliid bálvalusaide guoskaduvvojit daid iežaset diehtosuodjegeavadagat ja geavahaneavttut, iige DigiFinland vástit dáid doaibmiid hárjehan dieđuid čohkkemis dahje gieđahallamis. Dása gullet maiddái diehtočoahkut ja eará čuovvunteknihkat ja liŋkkat. Geavaheaddji ferte oahpásmuvvat gažaldatvuloš bálvalusaid geavahaneavttuide ja persovdnadieđuid gieđahallama geavadiidda sirdašuvadettiinis geavahit dáid bálvalusaid.

116117.fi-bálvalusa persovdnadieđuid gieđahallan lea govviduvvon ja persovdnadiehtoregisttardoallit leat meroštallojuvvon 116117.fi-bálvalusa diehtosuodječilgehusas: Diehtosuodječilgehus.

Láhka, mii guoskaduvvo ja riidduid čoavdin

Dáid eavttuide ja vejolaš 116117.fi-siidduin dahje dan sisdoaluin šaddi riidduide guoskaduvvo Suoma láhka. Vejolaš soahpameahttunvuođat gieđahallojuvvojit Helssega gearretrievttis.