Gozihanveahkki 116117.fi diehtosuodječilgehus

Gozihanveahkki 116117 -bálvalusbuvttadeaddji oktavuođadieđut:

DigiFinland Oy
Siltasaarenkatu 8-10
00530 Helsinki
http://www.digifinland.fiSiidu rahppojuvvo ođđa siidui

1 Bálvalusa ulbmil

Gozihanveahkki 116117 lea dearvvašvuođafuolahusa rávven- ja bagadallanbálvalus, man lágidit buresveadjinguovllut, Helssega gávpot ja Helssega ja Uusimaa buohccedikšunbire gieldaovttastupmi (HUS). Áššiiddikšuma oktavuođas dutnje guoski persovdnadieđuid ja pasieantadieđuid registtardoallin doaibmá dat dearvvašvuođafuolahusa bálvalusbuvttadeaddji, guhte dikšu du. DigiFinland Oy vástida bálvalusa ovddideames ja bajásdoallamis.

Gozihanveahkki 116117 -bálvalus lea oaivvilduvvon erenomážit gozihanáiggis oktavuođaváldinkanálan ássiid hohpolaš dearvvašvuođačuolmmain, mat eai leat heahtedilit. Ássit láidestuvvojit váldit oktavuođa bálvalussii ovdal go ohcalit gozihanpoliklinihkkii. Dearvvašvuođafuolahusa ámmátolmmoš dahká telefovnnas dahje chatas divššu dárbbu árvvoštallama ja láidesta pasieantta rievttes hohpolašvuođain rievttes dikšobáikái.

DigiFinland doaibmá registtardoallin Gozihanveahkki 116117 -neahttasiiddu oasil. Gozihanveahkki 116117 - neahttasiidduin lea vejolašvuohta addit máhcahaga sierra máhcahatskoviin. DigiFinland doaibmá Gozihanveahkki 116117 -neahttasiiddu máhcahatskoviin addojuvvon dieđuid oasil registtardoallin.

1.1 Goalmmát oassebeliid bálvalusat

Goalmmát oassebeliid bálvalusaide guoskaduvvojit dáid iežaset diehtosuodjegeavadagat ja geavahaneavttut, iige DigiFinland vástit dáid doaibmiid dieđuid čohkkemis dahje gieđahallamis. Dát gokčá maid diehtočoahkuid ja eará čuovvunteknihkaid ja liŋkkaid.

1.1.1 Gozihanveahkki 116117 -teakstabálvalus

Gozihanveahki nuvttá teakstabálvalus lea oaivvilduvvon dušše olbmuide, geat eai gula dahje bastte buvttadit hállama. Bálvalusa ja dasa laktáseaddji persovdnadieđuid gieđahallamis vástida HUS. Bálvalusa oktavuođas gávnnat diehtosuodjecelkosa.

1.1.2 Gozihanveahkki 116117 -telefonbálvalus

Gozihanveahki nuvttá bagadallan- ja rávventelefonbálvalusas ja dasa laktáseaddji persovdnadieđuid gieđahallamis vástidit buresveadjinguovllut, Helssega gávpot ja HUS.

1.1.3 Gozihanveahkki 116117 -neahttasiidduid chat-bálvalusat

Gozihanveahki 116117 -neahttasiidduid bagadallan- ja rávvenchat-bálvalusain ja daidda laktáseaddji persovdnadieđuid gieđahallamis vástidit dat buresveadjinguovllut, Helssega gávpot ja HUS, main gažaldatvuloš bálvalusat leat geavahusas.

2 Gozihanveahki 116117 -neahttasiiddu diehtočoahkut

Gozihanveahki 116117 -neahttasiiddus geavahuvvojit diehtočoahkut, vai siidu doaibmá riekta, lea diehtodorvvolaš ja dan lea vuogas geavahit. Diehtočoahkut leat uhca teakstafiillažat, maid siidu vurke du dihtorii dahje mobiilarusttegii.

Diehtočoahkut juhkkojuvvojit 1) siidduid doaibmama dáfus vealtameahttun diehtočoahkuide ja 2) eaktodáhtolaš analytihkkadieđuide/diehtočoahkuide, maid bokte bálvalusa ovddideaddjit ožžot mávssolaš dieđuid ovddideami doarjjan. Gozihanveahkki 116117 -neahttasiidduin eai geavahuvvo márkanfievrridandiehtočoahkut.

2.1 Vealtameahttun doaimmalaš diehtočoahkut

Gozihanveahkki 116117 -neahttasiidu čohkke geavaheaddji neahttaloganii doaimmalaš dieđuid geavaheaddji válljejumiin (geavahaneavttuid dohkkeheapmi ja giella). Čohkkenvuloš doaimmalaš dieđut sihkkarastet bálvalusa kvalitehta ja doaibmama diehtodorvvolaččat.

2.2 Eaktodáhtolaš analytihkkadieđut/ diehtočoahkut

Vai mii sáhttit ovddidit Gozihanveahkki 116117 -neahttasiiddu nu buorrin go vejolaš, mii sávvat ahte dan geavaheaddjit dohkkehit analytihkkadieđuid čohkkema. Eaktodáhtolaš analytihkkadieđuid gieđahallama ággan lea registrerejuvvon olbmo miehtan. Jus geavaheaddji lea miehtan eaktodáhtolaš analytihkkadieđuid čohkkemii, bálvalusas čohkkejuvvojit almmolaš eaktodáhtolaš analytihkkadieđut, mat ávkkástallojuvvojit doaibmama sihkkarastimis, bláđema álkidahttimis ja geavaheaddjedieđuid ovddideames. Čohkkenvuloš analytihkkadieđut leat ee. siidogalledeamit, neahttaoktavuođa bistináigi, neahttalogan, geavahanvuogádat ja URL-čujuhus, mas boađát bálvalussii.

Jus háliidat, sáhtát rievdadit iežat válljejumi analytihkkadieđuid čohkkemis diehtočoahkkoválljejumit- siiddus.

2.3 Persovdnadieđuid addimat

DigiFinland Oy ii atte persovdnadieđuid bálvalusa olggobeallái.

2.4 Seailluhanáigi

Analytihkkadieđut seailluhuvvojit bálvalusas guokte (2) jagi.

3 Registrerejuvvon olbmo rievttit

Dieđuid dárkkistanriekti (riekti beassat diehtit dieđuid): Registrerejuvvon olbmos lea riekti diehtit, maid persovdnadieđuid su birra gieđahallet dahje oažžut nannehusa, ahte sutnje guoski dieđut eai gieđahallojuvvo.

Riekti dieđuid njulgemii: Registrerejuvvon olbmos lea riekti gáibidit, ahte sutnje guoski feaillalaš, eahpedárkilis dahje váilevaš persovdnadieđut njulgejuvvojit dahje dievasmahttojuvvojit. Dasa lassin sus lea riekti gáibidit ahte dárbbašmeahttun persovdnadieđut sihkkojuvvojit eret.

Riekti dieđuid sihkkumii (riekti vajálduvvot): Dieđuid gieđahallama riekteákka mielde registrerejuvvon olbmos sáhttá leat riekti oažžut persovdnadieđuid sihkkojuvvot registtardoalli registtaris. Dákkár riekti ii leat ovdamearkka dain dáhpáhusain, main persovdnadieđuid gieđahallan lea dárbbašlaš láhkageatnegahtton geatnegasvuođa čuovvuma várás.

Riekti gieđahallama ráddjemii: Registrerejuvvon olbmuin lea dihto diliin riekti bivdit ráddjet persovdnadieđuid gieđahallama dan boddii, go dieđut dahje dan gieđahallama riekteágga lea áššáigullevaččat dárkkistuvvon ja divvojuvvon dahje dievasmahttojuvvon.

Riekti sirdit dieđuid vuogádagas nubbái: Registrerejuvvon olbmos lea muhtin diliin riekti oažžut registtardoallái iežas doaimmahan dieđuid lađastallojuvvon, almmolaččat geavahuvvon ja rusttegiin logahahtti hámis ja riekti sirdit gažaldatvuloš dieđuid nuppi registtardoallái. Riekti guoská diliide, main dieđuid gieđahallan lea automáhtalaš ja vuođđuduvvá miehtamii dahje soahpamuššii. Sirdinriekti ii nappo guoskka ovdamearkka dihtii dakkár persovdnadieđuid gieđahallamii, mii lea dárbbašlaš registtardoallái gullevaš láhkageatnegahtton geatnegasvuođa deavdima várás.

Riekti váidit eiseváldái: Registrerejuvvon olbmos lea riekti váidit bearráigeahččaneiseváldái, jus son gávnnaha, ahte persovdnadieđuid gieđahallamis rihkkojuvvo EU almmolaš diehtosuodjeásahus (EU 2016/679) dahje eará diehtosuodjeláhkaásaheapmi.

Diehtosuodjeáittardeaddji doaimmahatSiidu rahppojuvvo ođđa siidui
Galledančujuhus: Lintulahdenkuja 4, 00530 Helsinki
Poastačujuhus: PL 800, 00531 Helsinki
Šleađgapoasta: tietosuoja@om.fiSiidu rahppojuvvo ođđa siidui
Telefonguovddáš: 02956 66700Siidu rahppojuvvo ođđa siidui

Diehtosuodjevástideaddji

Persovdnadieđuid gieđahallandoaimmaide guoski gažaldagaid ferte čujuhit DigiFinland Oy diehtosuodjeáittardeaddjái čujuhussii: tietosuoja@digifinland.fi