Peiʹvvrõõttâmveäʹǩǩ 116117.fi teâttsuejjčiõlǥtõs

Peiʹvvrõõttâmveäʹǩǩ 116117 -kääzzkõspuuʹtʼteei õhttvuõđteâđ:

DigiFinland Oy
Siltasaarenkatu 8-10
00530 Helsinki
http://www.digifinland.fiSeidd ääʹveet ođđ kõskklõʹstte

1 Kääzzkõõzz miârktõs

Peiʹvvrõõttâmveäʹǩǩ 116117 lij tiõrvâsvuõđhuâl vuäʹpstem- da ohjjeemkääzzkõs, koon jäʹrjste pueʹrrvââjjamvuuʹd, Heʹlssen gåårad da Heʹlssen da Uusimaa puõccihåiddamvuuʹd kåʹddõhttõs (HUS). Äʹššeem õhttvuõđâst tuu kuõskki persoonteâđai da puõcciteâđai rekisterõõʹnnʼjen tåimm tuu håiddai tiõrvâsvuõđhuâl kääzzkõspuuʹtʼteei. DigiFinland Oy vaʹsttad kääzzkõõzz ooudâsviikkmõõžžâst da âʹlnnâânnmõõžžâst.

Peiʹvvrõõttâmveäʹǩǩ 116117 -kääzzkõs lij jurddum õhttvuõđkanaalân aassji ǩirrlaž tiõrvâsvuõttvaiggâdvuõđid, kook jiâ leäkku jieʹttvueʹjj, jeäʹrben peiʹvvrõõttâmpoodd. Aassjid vuäʹpstet väʹldded õhttvuõđ kääzzkõʹsse ooudbeäʹlnn peiʹvvrõõttâmpolikliniʹǩǩe ooʒʒõõttmõõžž. Tiõrvâsvuõđhuâl ämmat-tuâjjlaž tueʹjjad teʹlfoonâst leʹbe chaattâst hååid taarb ärvvtõõllmõõžž da vuäʹppast puõcci taarblaž ǩirrlažvuõđin vuõigg håiddampäikka.

DigiFinland tåimm rekisterõõʹnnʼjen Peiʹvvrõõttâmveäʹǩǩ 116117-neʹttseiddõõzz beäʹlnn. Peiʹvvrõõttâmveäʹǩǩ 116117- neʹttseiddõõzzâst lij maacctõõzz uʹvddem vueiʹtlvažvuõtt pååđmaacctemlomaakk veäkka. DigiFinland tåimm Peiʹvvrõõttâmveäʹǩǩ 116117-neʹttseiddõõzz maacctemlomaakkin uvddum teâđai beäʹlnn rekisterõõʹnnʼjen.

1.1 Kuälmad vueʹssbeäʹli kääzzkõõzz

Kuälmad vueʹssbeäʹli kääzzkõõzzid suåvldet täi jiijjâs teâttsuejjvuõʹjjid da ââʹnnem-määinaid, ij-ǥa DigiFinland vaʹstted täi tåimmji spraavâm teâđai noorrmõõžžâst leʹbe ǩiõttʼtõõllmõõžžâst mieʹldd looǥǥeeʹl jeäʹvstõõzz da jeeʹres seuʹrrjemtekniikk di liiŋk.

1.1.1 Peiʹvvrõõttâmveäʹǩǩ 116117-teʹksttkääzzkõs

Peiʹvvrõõttâmvieʹǩǩ määusteʹmes teʹksttkääzzkõs lij jurddum tåʹlǩ oummuid, kook jiâ kuul leʹbe pââʹst puuʹtʼted särnnmõõžž. Kääzzkõõzzâst da tõõzz õhttneei persoonteâđai ǩiõttʼtõõllmõõžžâst vaʹsttad HUS. Kääzzkõõzz õhttvuõđâst kaaunak teâttsuejjciâlkkõõǥǥ.

1.1.2 Peiʹvvrõõttâmveäʹǩǩ 116117-teʹlfonkääzzkõs

Peiʹvvrõõttâmvieʹǩǩ määusteʹmes ohjjeem- da vuäʹpstem teʹlfonkääzzkõõzzâst da tõõzz õhttneei persoonteâđai ǩiõttʼtõõllmõõžžâst vaʹsttee pueʹrrvââjjamvuuʹd, Heʹlssen gåårad da HUS.

1.1.3 Peiʹvvrõõttâmveäʹǩǩ 116117-neʹttseiddõõzzâst käunnʼje chat-kääzzkõõzz

Peiʹvvrõõttâmvieʹǩǩ 116117-neʹttseiddõõzzâst käunnʼjeei ohjjeem- da vuäʹpstem chat-kääzzkõõzzin da tõid õhttneei persoonteâđai ǩiõttʼtõõllmõõžžâst vaʹsttee tõk pueʹrrvââjjamvuuʹd, Heʹlssen gåårad da HUS, koin täk kääzzkõõzz liâ âânnmõõžžâst.

2 Peiʹvvrõõttâmveäʹǩǩ 116117-neʹttseiddõõzz jeäʹvstõõzz

Peiʹvvrõõttâmveäʹǩǩ 116117-neʹttseiddõõzzâst ââʹnet jeäʹvstõõzzid, što seiddõs tåimm vuõiʹǧǧest, lij teâttstaani da kâddsaž ââʹnned. Jeäʹvstõõzz liâ uuʹcces teʹkstt-teâttõõzz, koid seiddõs ruâkk jiijjad teâttmašinaaʹje leʹbe mobiilaparâʹtte.

Jeäʹvstõõzz juâǥǥtõõlât 1) seiddõõzz tåimmjummuž beäʹlnn vääžnai jeäʹvstõõzzid da 2) jiõččtäättlaž analytikkteâđaid/jeäʹvstõõzzid, kooi veäkka kääzzkõõzz raajji vuäǯǯa kaallšõs teâđaid ooudâsviikkâm tuäʹrjjen. Peiʹvvrõõttâmveäʹǩǩ 116117-neʹttseiddõõzzâst jeäʹt ââʹn markknâʹsttemjeäʹvstõõzzid

2.1 Vääžnai tåimmamnallšem jeäʹvstõõzz

Peiʹvvrõõttâmveäʹǩǩ 116117-neʹttseiddõs nåårr õõʹni plaađnja tåimmamnallšem teâđaid õõʹnnʼji tueʹjjeem vaalšummšin (ââʹnnem-määinai priimmʼmõš da ǩiõll). Noorrâmvuâla tåimmamnallšem teâđ ainsmâʹtte kääzzkõõzz vueʹǩǩšõs da teâttstaanni tåimmjummuž.

2.2 Jiõččtäättlaž analytikkteâđ/ jeäʹvstõõzz

Što vueiʹttep raajjâd Peiʹvvrõõttâmveäʹǩǩ 116117-neʹttseiddõõzz vueiʹtlva vueʹǩǩšen, tuäivvap tõn õõʹnnʼjin priimmâm analytikkteâđai noorrmõõžž. Jiõččtäättlaž analytikkteâđ ǩiõttʼtõõllmõõžž vuâđđan lij rekisterõsttum oummu miâsttmõš. Jõs õõʹnni lij ouddam miâsttmõõžž jiõččtäättlaž analytikkteâđai noorrmõõžžid, kääzzkõõzzâst noorât takainallšem jiõččtäättlaž analytikkteâđaid, koid äuʹǩǩeet toiʹmmjemvuõđ ainsmâttmõõžžâst, plaađđmõõžž hiâlptummšest da õõʹnnitoobdâlm ooudâsviikmõõžžâst. Noorrâmvuâla analytikkteâđ liâ ouddm. seiddjååttmõõžž, išttmõõžž pešttmõš, neʹttplaađânj, ââʹnnemriâžldõk da URL-addrõs, koʹst puäđak kääzzkõʹsse.

Vuäitak haaʹleen muʹtted vaalšummšad analytikkteâđai noorrmõõžžâst jeäʹvstõsasetõõzz seeidast.

2.3 Persoonteâđai luõvtummuš

DigiFinland Oy ij luõvât persoonteâđaid kääzzkõõzz åålǥbeälla.

2.4 Seeiltemäiʹǧǧ

Analytikkteâđaid seeiltet kääzzkõõzzâst kueʹhtt (2) eeʹjj.

3 Rekisterõsttum oummu vuõiggâdvuõđ

Teâđai taʹrǩstemvuõiggâdvuõtt (vuõiggâdvuõtt vuäǯǯad piâssmõš teâđaid): Rekisterõsttum oummust lij vuõiggâdvuõtt tieʹtted, mâid persoonteađaid suʹst ǩiõttʼtõõlât leʹbe vuäǯǯad raaveem, što suu kuõskki teâđaid jeäʹt ǩiõttʼtõõl.

Vuõiggâdvuõtt teâđai vuõiǥummša: Rekisterõsttum oummust lij vuõiggâdvuõtt õõlǥted, što suu kuõskki vââǥǥla, teeivteʹmes leʹbe vännas persoonteađ vuõiǥeet leʹbe tiuddeet. Lââʹssen suʹst lij vuõiggâdvuõtt õõlǥted, što taarbteʹmes persoonteađ jaukkeet.

Vuõiggâdvuõtt teâđai jaukkummša (vuõiggâdvuõtt šõddâd väjldâʹttemnalla): Teâđai ǩiõttʼtõõllmõõžž vuõiggâdvuõttvuâđast sõõrčeeʹl rekisterõsttum oummust vuäitt leeʹd vuõiggâdvuõtt vuäǯǯad persoonteâđaid jaukkuum rekisterõõʹni rekisteeʹrest. Näkam vuõiggâdvuõđ jiâ leäkku ouddmiârkkân tõin vuõʹjjin, koin persoonteâđ ǩiõttʼtõõllmõš lij taarblaž lääʹjjmeâldlaž õõlǥtõõzz jääʹǩǩtem diõtt.

Vuõiggâdvuõtt ǩiõttʼtõõllmõõžž rääʹjtummuša: Rekisterõsttum oummust âlgg tiõttum vuõʹjjin leeʹd vuõiggâdvuõtt raukkâd persoonteâđai ǩiõttʼtõõllmõõžž rääʹjtummuž tõn ääiǥas, poka teâđ leʹbe tõn ǩiõttʼtõõllmõõžž vuõiggâdvuõttvuâđđ lij ääʹššmeâlddlânji taʹrǩstum da tivvum leʹbe tiudduum.

Vuõiggâdvuõtt seʹrdded teâđaid riâžldõõǥǥâst nobba: Rekisterõsttum oummust lij kooi-ne vuõʹjjin vuõiggâdvuõtt vuäǯǯad rekisterõõʹnnʼja tååimtem persoonteâđ vuäzzlõttum, takainalla õnnum da mašinaalaž lookkâmnallšem-maallâst da vuõiggâdvuõtt seʹrdded tõid teâđaid nuuʹbb rekisterõõʹnnʼja. Vuõiggâdvuõtt kuâskk vuõʹjjid, koin teâđai ǩiõttʼtõõllmõš lij automaattlaž da vuâđđââvv miâsttmõʹšše leʹbe suåppmõʹšše. Serdd-vuõiggâdvuõtt ij nääiʹt kuõsk ouddmiârkkân nåkam persoonteâđai ǩiõttʼtõõllmõõžž, kååʹtt lij taarblaž rekisterõõʹnnʼja kuulli lääʹjjmeâldla õõlǥtõõzz tiuddeem diõtt.

Vuõiggâdvuõtt tueʹjjeed läittmõš veʹrǧǧnekka: Rekisterõsttum oummust lij vuõiggâdvuõtt tueʹjjeed läittmõš vuåppâmveʹrǧǧnekka, jõs son ǩeäčč, što persoonteâđai ǩiõttʼtõõllmõõžžâst tueʹjjeet puästtad EU takai teâttsuejj-asetõõzz (EU 2016/679) leʹbe jeeʹres teâttsuejjlääʹjjšiõttummuž.

Teâttsuejjväʹlddneeʹǩǩ koontârSeidd ääʹveet ođđ kõskklõʹstteSeidd ääʹveet ođđ kõskklõʹstte
Jååʹttemaddrõs: Lintulahdenkuja 4, 00530 Helsinki
Pååʹštaddrõs: PL 800, 00531 Helsinki
Neʹttpååʹšt: tietosuoja@om.fiSeidd ääʹveet ođđ kõskklõʹstte
Teʹlfonkuvddlõs: 02956 66700Seidd ääʹveet ođđ kõskklõʹstte

Teâttsuejjvaʹstteei

Persoonteâđai ǩiõttʼtõõllâmtååimaid kuõskki kõõččmõõžž âʹlǧǧe vuõltteed DigiFinland Oy teâttsuejjvaʹstteei addrõʹsse: tietosuoja@digifinland.fi