Peeiʹvtum 20.1.2025

Peiʹvvrõõttâmveäʹǩǩ 116117.fi Ââʹnnem-määin

Looǥǥ täid ââʹnnem-määinaid tääʹrǩeld ouddâl ǥu äälǥak ââʹnned 116117.fi -kääzzkõõzz (mâʹŋŋlubust še Kääzzkõs). Täk määin õõutsââʹjest teâttsuej kuõskki suåppmõõžžin räʹjje suåppmõõžž õõʹni da Kääzzkõstaʹrjjeeʹj (DigiFinland Oy) kõõsk. Kääzzkõõzz âânnmõš õõlǥat ââʹnnem-määinai priimmʼmõõžž. Ââʹnnem-määin liâ viõǥǥâst kõskkpoddsânji, tõid vueiʹtet muʹtted, da muttsi mâŋŋa šõddi Kääzzkõõzz âânnmõš ǩiõččât määinai priimmâm diõtt. Jõs jiõk priim täid määinaid, tuʹst feʹrttai looppted Kääzzkõõzz âânnmõš da vueʹlǧǧed meädda seiddõõzzâst.

116117.fi -kääzzkõõzz veekk ooudâs da âʹlnn âânn DigiFinland Oy (Kääzzkõstaʹrjjeeʹjj). Vasttõõzzlaž kääzzkõstaʹrjjeeʹjen da valmšteeʹjen tåimm DigiFinland Oy, Siltasaarenkatu 8-10, 00530 Helsinki (www.digifinland.fiSeidd ääʹveet ođđ kõskklõʹstte). 116117.fi - kääzzkõõzz õõʹnniorganisaatio liâ vooudlaž sotikääzzkõõzz jäʹrjsteeʹj, mâta puõccihåiddamvuuʹd da kååʹdd, kook taʹrjjee aassjeez kääzzkõõzzid.

Vuuʹd, koin 116117.fi âânnmõõžžâst, (digifinland.fi)Seidd ääʹveet ođđ kõskklõʹstte

Ââʹnnem määin

Õõʹnnʼjest lij vuõiggâdvuõtt ââʹnned 116117.fi tõn ââʹnnem-miârktõʹsse tõi vuäppõõzzi meâldlânji. Ââʹnnem-määinai vuâsttsaž âânnmõš lij ǩiõlddum.

Kääzzkõs lij õõʹnnʼjid määustem.

Kääzzkõstaʹrjjeeʹjest lij kuäʹss täättas vuõiggâdvuõtt kõõskted leʹbe mieʹrreed õõʹni 116117.fi âânnmõš, jõs õõʹnni âânn puästtad täid ââʹnnem-määinaid.

Seeidaid ââʹneeʹl õõʹnni čõnnââtt jääʹǩǩted täʹst ehdtum ââʹnnem-määinaid.

Kääzzkõstaʹrjjeeʹj vuõiggâdvuõđ da õõlǥtemvuõđ

Kääzzkõstaʹrjjeeʹjj veekk ooudâs 116117.fi čõõđ ääiʹj. Âânnmõõžžâst åårrai kääzzkõõzzi vaalljstõk da siiskõs vueiʹtte tän diött mõttjed.

Kääzzkõstaʹrjjeeʹjest lij vuõiggâdvuõtt kuäʹss täättas ouddiʹlmmtõõzztaa da måkam määinast täättas muʹtted seeidai ââʹnnem-määinaid, kuâsttjõõzz, siiskõõzz, vuäǯǯamvuõđ, seeidain tååimtemvuâlaid kääzzkõõzzid leʹbe jeeʹres seeidai jiõččvuõđid leʹbe looppted kääzzkõs di seʹrdded tõn kuälmad vueʹssbeälla.

Kääzzkõstaʹrjjeeʹjest lij vuõiggâdvuõtt kõõskted kääzzkõõzz taʹrjjummuš huâll- da peeiʹvtemtååimai ääiǥas. Vueiʹtlvaž kõõsktemvuõʹjjin teʹlfon-nââmar 116117 kääzzkâstt, tõin pueʹrrvââjjamvuuʹdin, koin kääzzkõs lij ââʹnnemnalla.

Kääzzkõstaʹrjjeeʹjj ij vaʹstted kõõskteʹmes ij-ǥa vuõigg hääitain, kook šâʹdde täi seeidai leʹbe liâđǥlaž kääzzkõõzzi âânnmõõžžâst leʹbe âânnmõõžž cõggnummšest leʹbe täid õhttneei hääitast. Kääzzkõstaʹrjjeeʹjj ij vaʹstted nuuʹbb suåppibeäʹl koon määinast täättas šõddâm teâđai leʹbe teâttõõzzi muärrjummšest, läppjummšest leʹbe motstõõvvmõõžžâst da täʹst šõddâm hääitain da kuulin mâta teâttõõzzi oʹđđest raajjmõõžž šõddâm kuulin.

Õõʹni vasttõs

Õõʹnni vaʹsttad seeidai pääiʹǩ uʹvddem teâđai vuõiggâdvuõđâst da dååtlas puättmõõžžâst. Õõʹnni ååskat da vaʹsttad tõʹst, što ij vuõlttâd täid seeidaid ni måkam lääʹjj vuâsttsaž leʹbe pannääššlaž aunstõõzzid. Õõʹnnʼjest feʹrttai pukin mååžnai kuånstin leeʹd snäätnai tõʹst, što vuõlttuum aunstõs ij âânnči seʹst viruuzzid leʹbe leʹčči jeeʹres naaʹlin hääitlaž.

Immateriaalvuõiggâdvuõđ

Vuäʹmstummuš da puk immateriaalvuõiggâdvuõđ Kääzzkõʹsse da Kääzzkõõzzâst čõõđtemvuâla teʹkstt-, kartt- da jeeʹres aunstõʹsse kuulli Kääzzkõstaʹrjjejja leʹbe tän õhttsažtuâjjtaaurõõžžid mieʹldd looǥǥeeʹl vuõiggâdvuõđ tueʹjjeed muttsid da luõvted vuõiggâdvuõđ ooudårra.

Puk vuõiggâdvuõđ seeidaid da tõi siiskõʹsse tuõʹllʼjet. Seeidai siiskõõzz leʹbe kuâsttjõõzz čõõđtummuš, kopiâsttmõš, serddmõš leʹbe muʹttemtuâjj krååʹma vuõiggâdvuõđ vuäʹmsteeʹj lååʹv lij ǩiõlddum, lokku vääʹldǩani seeiltummuž teâttmašinast leʹbe priʹnttjummuž persoonlaž âânnmõõžž leʹbe puõccivuäʹpstummuž vääras.

Õõʹnni vuäǯǯ siteerâʹstted seiddõõzz teʹksttaunstõõzz da liiŋkted seeidaid mäʹhtt juʹn haaʹlad, leša aunstõõzz laiʹnnʼjeen teâttkäivv âlgg tiâttlõs pâi peäggted raajjivuõiggâdvuõttlääʹjj (404/1961) õõlǥtem naaʹlin da veeidasvuõđâst. Jeeʹres aunstõõzz âânnmõõžžâst âlgg suåppâd jeeʹrab Kääzzkõstaʹrjjeeʹjin (õhttvuõđteâđ pââibeäʹlnn).

Jeäʹvstõõzzi âânnmõš

116117.fi -kääzzkõõzzâst ââʹnet jeäʹvstõõzzid. Jeäʹvstõõzzi veäkka ainsmââʹttet, što kääzzkõs tåimm staanâld da vuõiggnalla. Jõs âânn kääzzkõõzz, õõʹnnʼjest feʹrttai seännad kuuitâǥ uuʹccmõsân vieʹltʼteʹmes jeäʹvstõõzzid.

Jeäʹvstõõzz juâǥǥtõõlât seiddõõzz toiʹmmjem ǩiõččâmvueʹjjest vieʹltʼteʹmes išttmõšpuõđlaž jeäʹvstõõzzid da jeeʹres jeäʹvstõõzzid. Seiddõõzzâst jeäʹt ââʹn markknâʹsttemjeäʹvstõõzzid.

Vieʹltʼteʹmes jeäʹvstõõzz ainsmâʹtte, što 116117.fi -seiddõs tåimm vuõiggnalla. Jeäʹvstõõzz jäuʹǩǩe riâžldõõǥǥâst, ǥu plaađânj piijât ǩidd.

Jeeʹres jeäʹvstõõzzi veäkka Kääzzkõstaʹrjjeeʹjj nåårr seiddõõzz õõʹnnʼjin õõʹnnistatistiikkid, ǩeäi teâđ jiâ leäkku õhtteemnalla õõutõõʹnnʼja. Õõʹnnistatistiikk vieʹǩǩte Kääzzkõstaʹrjjeeʹj ǥu sosiaal- da tiõrvâsvuõtthuâl organisaatio ooudâsviikkâd kääzzkõõzzeez oouʹdab pueʹrabnalla.

Gu âânn 116117.fi -kääzzkõõzz anonyymân, õõʹnnʼjest jeäʹt ruõkk teâđaid, koʹst suu vuäitči tobddâd vuõiʹǧǧest leʹbe pannvuõiggnalla.

Tobdstõõđ še 116117.fi teâttsuejjčiõlǥtõʹsse da jeäʹvstõspolitiʹǩǩe.

Kuälmad vueʹssbeäʹl puuʹtʼtem teâtt

Kääzzkõstaʹrjjeeʹjj ij vaʹstted kuälmad vueʹssbeäʹl puuʹtʼtem leʹbe čõõđtem materiaalâst. Kääzzkõõzzâst liâ liiŋk kuälmad vueʹssbeäʹli neʹttseiddõõzzid. Kääzzkõstaʹrjjeeʹjj ij vaʹstted kuälmad vueʹssbeäʹli materiaalin tõi seiddõõzzineez ij-ǥa seiddõõzzin, koid seeʹrdet Kääzzkõstaʹrjjee’j seiddõõzzâst.

Teâttsuejjvueʹjj di kuälmad vueʹssbeäʹli ââʹnnem-määin

116117.fi -kääzzkõõzz vuäitt ââʹnned anonyymân.

Kääzzkõõzzâst ââʹnet Matomo-tuâjjkääuʹn anonyym klikkianalytiikkk noorrmõʹšše, jõs õõʹnni lij ouddam miâsttmõõžžâs täi teâđai noorrmõʹšše priimeeʹl kääzzkõõzz jeeʹres jeäʹvstõõzzid. Õõutõõʹnni ij leäkku tobddâmnalla Matomo-tuâjjkääuʹn teâđain. Teâđaid äuʹǩǩeet 116117.fi -kääzzkõõzz ooudâsviikkmõõžžâst.

Kuälmad vueʹssbeäʹli kääzzkõõzzid suåvldet täi jiijjâs teâttsuejjvuõʹjjid da ââʹnnem-määinaid, ij-ǥa DigiFinland vaʹstted täi tåimmji spraavâm teâđai noorrmõõžžâst leʹbe ǩiõttʼtõõllmõõžžâst mieʹldd looǥǥeeʹl jeäʹvstõõzz da jeeʹres seuʹrrjemtekniikk di liiŋk. Õõʹnnʼjest feʹrttai tobdstõõttâd kõõččmõõžžâst åårrai kääzzkõõzzi ââʹnnem-määinaid da persoonteâđai ǩiõttʼtõõllmõõžž vuõʹjjid seerdeen ââʹnned täid kääzzkõõzzid.

116117.fi -kääzzkõõzz persoonteâđai ǩiõttʼtõõllmõš lij kovvuum da persoonteâttrekisterõõʹni liâ meäʹrtõllum 116117.fi-kääzzkõõzz teâttsuejjčiõlǥtõõzzâst: Teâttsuejjčiõlǥtõs.

Suåvldemnallšem lääʹǩǩ da reeidai räʹtǩǩummuš

Täid määinaid di vueiʹtlvaid 116117.fi -seiddõõzzâst leʹbe tõn siiskõõzzâst šõddi reeidaid suåvldet Lääʹddjânnam lääʹjj. Vueiʹtlvaž reiddvuõđ ǩiõttʼtõõlât Heʹlssen suudvuõiggsest.