Kosáttâhiše 116117.fi tiätusyejičielgiittâs

Kosáttâhiše 116117 -palvâluspyevtitteijee ohtâvuotâtiäđuh:

DigiFinland Oy
Siltasaarenkatu 8-10
00530 Helsinki
http://www.digifinland.fiSijđo liäkkoo uđđâ koskâloostân

1 Palvâlus ulme

Kosáttâhiše 116117 lii tiervâsvuotâhuolâttâs ravvim- já stivrimpalvâlus, mon uárnejeh pyereestvaijeemkuávluh, Helsig kaavpug já Helsig já Uusimaa pyecceetipšompirrâduv kieldâovtâstume (HUS). Ášástâllâm ohtâvuođâst tunjin kyeskee persovntiäđui já pyecceetiäđui registertuállen tuáimá tuu tipšoo tiervâsvuotâhuolâttâs palvâluspyevtitteijee. DigiFinland Oy västid palvâlus oovdedmist já paijeentolâmist.

Kosáttâhiše 116117 -palvâlus lii uáivildum ohtâvuotâväldimuállin ässei huápulij tiervâsvuotâčuolmâi várás, moh iä lah etitileh, eromâšávt kosáttâhääigi. Ässeeh rävvejuvvojeh väldiđ ohtâvuođâ palvâlusân ovdil kosáttâhpoliklinikan puáttim. Tiervâsvuotâhuolâttâs áámmátlâš árvuštâl puhelimest tâi chaatist tipšomtáárbu já stivree pyeccee rievtis huápulâšvuođáin rievtis tipšomsajan.

DigiFinland tuáimá registertuállen Kosáttâhiše 116117 -viermisiijđoi uásild. Kosáttâhiše 116117 - viermisiijđoin lii macâttâsadelemmáhđulâšvuotâ sierânâs macâttâsluámáttuvváin. DigiFinland tuáimá Kosáttâhiše 1161177 -viermisiijđoi macâttâsluámáttuvváin adelum tiäđui uásild registertuállen.

1.1 Kuálmádij uásipeelij palvâlusah

Kuálmádij uásipeelij palvâlussáid heiviittuvvojeh toi jieijâs tiätusyejivuáválâšvuođah já kevttimiävtuh, ige DigiFinland västid täi tuáimei hárjuttem tiäđui nurâmist tâi kieđâvušmist fáárun luhâmáin niästádâsâid já eres čuávvumteknikijd sehe liiŋkâid.

1.1.1 Kosáttâhiše 116117 -tekstâpalvâlus

Kosáttâhiše mávsuttes tekstâpalvâlus lii uáivildum tuše ulmuid, kiäh iä kuulâ tâi paste pyevtittiđ sárnum. Palvâlus já toos lohtâseijee persovntiäđui kieđâvušmist västid HUS. Palvâlus ohtâvuođâst tun kaavnah tiätusyejiciälkkus.

1.1.2 Kosáttâhiše 116117 -puhelinpalvâlus

Kosáttâhiše mávsuttes stivrim- já ravvim -puhelinpalvâlusâst já toos lohtâseijee persovntiäđui kieđâvušmist västideh pyereestvaijeemkuávluh, Helsig kaavpug já HUS.

1.1.3 Kosáttâhiše 116117 -viermisiijđoin kávnojeijee chat-palvâlusah

Kosáttâhiše 116117 -viermisiijđoin kávnojeijee stivrim- já ravvim-chat-palvâlusâin já toid lohtâseijee persovntiäđui kieđâvušmist västideh toh pyereestvaijeemkuávluh, Helsig kaavpug já HUS, main taah palvâlusah láá kiävtust.

2 Kosáttâhiše 116117 -viermisiijđoi niästádâsah

Kosáttâhiše 116117 -viermisiijđoin kiävttojeh niästádâsah, vâi siijđoh tuáimih olmânáál, láá tiätutorvoliih já vuohâseh kevttiđ. Niästádâsah láá siemin tekstâtiätuvuárhááh, maid siijđoh vyerkkejeh tuu tiätumašinân já moobilruustigân.

Niästádâsah juáhhojeh 1) siijđoi toimâm tááhust velttimettumis niästádâssáid já 2) iävtutátulijd analytiktiäđoid/ niästádâssáid, moiguin palvâlus ovdedeijeeh finnejeh tivrâs tiäđu ovdedem toorjân. Kosáttâhiše 116117 -viermisiijđoin iä kevttuu markkânistemniästádâsah.

2.1 Velttimettumis toimâliih niästádâsah

Kosáttâhiše 116117 -viermisiijđoh noreh kevttee lađânân toimâlijd tiäđuid kevttei toohâm valjiimijn (kevttimiävtui tuhhiittem já kielâ). Nuurrâmnáál toimâliih tiäđuh visásmitteh palvâlus ollâtásásii já tiätutorvolii toimâm.

2.2 Iävtutátuliih analytiktiäđuh/ niästádâsah

Vâi mij puávtáččijm ovdediđ Kosáttâhiše 116117 -viermisiijđoid nuuvt šievtásásâžžân ko máhđulâš, mij tuáivup, et ton kevtteeh tuhhiitteh analytiktiäđui nuurrâm. Iävtutátulij analytiktiäđui kieđâvuššâm vuáđustâssân lii registeristum ulmuu mietâmuš. Jis kevttee lii adelâm mietâmuš iävtutátulij analytiktiäđui nurâmân, te palvâlusâst norrojeh almoliih iävtutátuliih analytiktiäđuh, moh kiävttojeh iššeen toimâmvuođâ visásmitmist, laađđâm älkkeeditmist já kevtteevuáttámuš oovdedmist. Nuurrâmnáál analytiktiäđuh láá il. sijđokolliistâlmeh, kevttimpuudâ kukkodâh, viermilaađân, kevttimvuáhádâh já URL-čujottâs, mon peht puáđáh palvâlusân.

Tun puávtáh táátud mield mutteđ jieijâd valjiimijd analytiktiäđui nurâmist niästádâsasâttâsah -siijđost.

2.3 Persovntiäđui luovâtmeh

DigiFinland Oy ij luovât persovntiäđuid palvâlus ulguubel.

2.4 Siäiludemäigi

Analytiktiäđuh siäiluduvvojeh palvâlusâst kyehti (2) ive.

3 Registeristum ulmuu vuoigâdvuođah

Tiäđui tärhistemvuoigâdvuotâ (vuoigâdvuotâ finniđ piäsu tiäđoid): Registeristum ulmust lii vuoigâdvuotâ tiettiđ, et moh persovntiäđuid sust kieđâvuššojeh tâi finniđ nanodâs, et sunjin kyeskee tiäđuh iä kieđâvuššuu.

Vuoigâdvuotâ tiäđui vuoigiimân: Registeristum ulmust lii vuoigâdvuotâ vaattâđ, et sunjin kyeskee puástu, epitärhis tâi vájuvááh persovntiäđuh vyeigejuvvojeh tâi tievâsmittojeh. Ton lasseen sust lii vuoigâdvuotâ vaattâđ, et taarbâšmettumis persovntiäđuh meddâlistojeh.

Vuoigâdvuotâ tiäđui meddâlistmân (vuoigâdvuotâ šoddâđ vájáldum): Tiäđui kieđâvuššâm riehtivuáđustâsâst sorjon registeristum ulmust puáhtá leđe vuoigâdvuotâ finniđ persovntiäđuid meddâl registertuállee registerist. Tággáár vuoigâdvuotâ ij lah ovdâmerkkân tain tábáhtusâin, main persovntiäđu kieđâvuššâm lii taarbâšlâš laahân vuáđuduvvee kenigâsvuođâ nuávdittem várás.

Vuoigâdvuotâ kieđâvuššâm raijiimân: Registeristum ulmust lii tiätu tilálâšvuođâin vuoigâdvuotâ táttuđ persovntiäđui kieđâvuššâm raijim tassaaš, ko tiäđuh tâi ton kieđâvuššâm riehtivuáđustâs lii ääšimiäldásávt tärhistum já tivodum tâi tievâsmittum.

Vuoigâdvuotâ sirdeđ tiäđuid vuáháduvâst nuubán: Registeristum ulmust lii mainnii tilálâšvuođâin vuoigâdvuotâ finniđ registertuállei toimâttum persovntiäđuid jesânistum, almolávt kevttum já maašinlávt luuhâmnáál häämist já vuoigâdvuotâ sirdeđ taid tiäđuid nube registertuállei. Vuoigâdvuotâ kuáská tilálâšvuođáid, main tiäđui kieđâvuššâm lii automatlâš já vuáđuduvá mietâmušân tâi sopâmušân. Nuuvtpa sirdemvuoigâdvuotâ ij kuoskâ ovdâmerkkân taggaar persovntiäđu kieđâvuššâm, mii lii taarbâšlâš registertuállei kullee, laahân vuáđuduvvee kenigâsvuođâ tevdim várás.

Vuoigâdvuotâ vaidâliđ virgeomâhâžân: Registeristum ulmust lii vuoigâdvuotâ vaidâliđ kocceemvirgeomâhâžân, jis sun arvâl, et persovntiäđui kieđâvuššâm ääigi lii rikkum EU almolâš tiätusyejiasâttâs (EU 2016/679) tâi eres tiätusyejilahâasâttem.

Tiätusyejiváldálii toimâttâhSijđo liäkkoo uđđâ koskâloostân
Kollimčujottâs: Lintulahdenkuja 4, 00530 Helsinki
Postâčujottâs: PL 800, 00531 Helsinki
Šleđgâpostâ: tietosuoja@om.fiSijđo liäkkoo uđđâ koskâloostân
Puhelinkuávdáš: 02956 66700Sijđo liäkkoo uđđâ koskâloostân

Tiätusyejivästideijee

Persovntiäđui kieđâvuššâmtoimáid kyeskee koččâmušâid kalga čujottiđ DigiFinland Oy:n tiätusyejivästideijei čujottâsân: tietosuoja@digifinland.fi