Jieʹttvueʹjjest soiʹtte 112
Jieʹttvueʹjjest soiʹtte 112
Kuäʹss vääldam õhttvuõđ?
Vääʹld õhttvuõđ, ǥu
Smiõttak, što vuäiʹtčiǩ vueʹlǧǧed kååccmõʹšše
Soiʹtte 116 117 ouddâl ko ooʒʒõõđak kååccmõʹšše. Jiijjad tiõrvâsvuõttpõrtt lij vuõss-sâjjsaž hoiʹddjempäiʹǩǩad teʹl, ko tõt lij äävai.
Taarbšak hoiʹddjemvuäʹppõõzzid da vuäʹpstõõzz.
Uʹvddep tuʹnne hoiʹddjemvuäʹppõõzzid da vuäʹpstõõzz ǩirrsallaš tiõrvâsvuõttprobleeʹmin, ko jiijjad tiõrvâsvuõttpõrtt lij ǩidd.
Jeäʹl aainâs vääʹld õhttvuõđ, ǥu
Äʹššad lij ǩirrsâʹttem
Ǩirrsâʹttem aaʹššin vuäǯǯak vieʹǩǩ tiõrvâsvuõttpõõrtstad leʹbe tuu hoiʹddjeei polikliniikkâst. Ǩirrsâʹttem ääʹšš lie ouddmiârkkân ǩirrsâʹttem hååid õõlǥteei tiõrvâsvuõttprobleeʹm, laboratoriovaʹsttõõzzi teâđstõõllmõõžž, reseeʹpti oođummuž da kuuʹǩǩ pešttam tiõrvâsvuõttprobleeʹm, kook jie leäkku huânnʼnam.
Äʹššad kuâskk ruått-teâđstõõllmõõžž
Hååidast åårrai puõccjin vuäitt teâđstõõllâd vuõiʹǧǧest hoiʹddjeei juâkkaz ruått-teâđstõõllâmnââmrest.
Jiõk vuäǯǯ õhttvuõđ nuʹbb tiõrvâsvuõtthuâl tåimmpäikka
Jõs vueʹǩǩad ij õõlǥat ǩirrsallaš hååid leʹbe arvvõõzz, vuârdak-han rääuhast, što tuʹnne soiʹttjet mååust leʹbe što tåimmpäiʹǩǩ ävvan.
Äʹššad kuâskk puõccâmluõvâsvuõtt-tuõđštõõzz
Kååʹccemveäʹǩǩ ij vääʹld beäʹl puõccâmluõvâsvuõtt-tuõđštõõzzid, jeäʹt-ǥa kääzzkõõzz pääiʹǩ ǩeeʹrjet puõccâmluõvâsvuõtt-tuõđštõõzzid.
Leäk juʹn vuäǯǯam tiõrvâsvuõtthuâl ämmatneeʹǩǩest vuäʹppõõzz ooʒʒõõttâd kååccmõʹšše
Jõs tuʹst lij kååʹccemvuõlttõs leʹbe leäk vuäǯǯam nuʹbb tiõrvâsvuõtthuâl ämmatneeʹǩǩest vuäʹppõõzz ooʒʒõõttâd kååccmõʹšše, vuäitak ooʒʒõõttâd vuõiʹǧǧest kååccmõʹšše.